Sa Kahit Anong Hirap

Magandang gabi mga Ginoo't Binibini , ang tulang ito ay aking isinulat sa panahon na ako'y nahirapan at duwag sa pagharap ng mga problema. Sa kabila nito, ako'y natuto at napagtanto na sa bawat pagsubok na darating may tutulong sa akin. Ito ay ang aking sarili. Kung kaya, kapag inyong nabasa ang aking akda sana'y makatulong sa inyo. Sa kahit anong pagkakataon sarili mismo natin ang makakatulong sa pagkamit ng ating pangarap sa kahit anong hirap na ating madadanas

Isang araw mula sa aking pag gising 

kislap ng aking mata'y parang napuwing

Buhay na mapayapa ay aking hiling

Sana nama'y dinggin ang mga hinaing 

O, pagsubok, piling akong dinadaya

Bumubulong, sa aking 'hindi ko kaya'

Nagsasabing ako ay duwag at lampa

Na ako ay walang sapat na halaga

Katawan ay isip ko ay nanghihina

Hindi na alam ang gagawin sa twina

Ito nga ba ay nagpapahiwatig na, 

ako'y susuko at hindi ko na kaya? 

Aking sarili ay napagdesisyunan

Pagmulat sa tunay na katotohanan

Na kailanman ay hindi susukuan

Minimithing nais kong pagtagumpayan.